Egerldnder Erstkommunion
Egerländer Erstkommunion
Mala Richard
Ma kloina Bou haut a ersta halicha Kommunion g´hattn. Dös woar am Togh, wou ma in unnara Ker(ch)n ( Kirche) Fronleichnam g´faiat ho(b)m. U gleichzeiti woars aa zwou Wochn vor den Wahlan in da Tschechei. U dazou woar dös nur kurz nauchran Artikel innara Zeiting, wou gschriebn wor(d)n ist, daß i mit meinan weißan Strümpfn in Netschetin nuar Probleme mach u dari nuar provoziern tau.
Uwa woos wära a Eghalanda u da Christ dazau, dear sich fürchtan täit. Ma kua ja vuar dian Kind sa Ehre doch niat vakaffn! U sua san miar halt im Gott´s Nauma ganga. Ma Wai(b haut mit da Mala -Wawa döi Kirchn schäi(n mit Blöimlan u Baaman vaschönart, i ho(b)m sua richti aag´hoitzt u wüll Weihrauch gmacht, daras in da Kirchn schäi(n grochn haut. Es woar a schäina halicha Mess. Da Pfarrer haut dann mit dem Leib Christi draßn vor da Kirchntür dem Friedhuaf u aa Netschetin dian Segen ge(b)m. Ich hoff, daß dös bal(d dian Netschetinan helfn wiard!
Nauch da Mess san ma in unnra Wirtshaus ganga. Da Berti ( Vojtech - Adalbert ) haut a poar Gschenka kröigt, i ho(b) Gulasch b´stöllt u ho(b sua richti oinan aasgebn. Aa woos söißas hauts dazou ge(b)n. Öitza kuari nämli nuar an Enkalkinna wartan, bis ma wieda suawoos machn kinna werdn.
Ma löiwas Böiwerl: sa schäi(n brav uns beta recht schäi(n, damit diar unna Herrgott da Lebn segnan wiard!
|
|
 |
|
|
 |
|
|
|
Weiße Strümpfe
( Batzerlstrümpf)
Mala Richard
Döi weißn Strümpfn asm Eghaland,
Döi san fai(n ba uns bekannt.
Döi sann füar unna Leit
a Stückl Vagangenheit, a Stückl Heimatland.
Wen ma sie uwa trogn wüll,
paßt fai(n schäi(n aaf!
Niat jedan kuast Du damit glückli machn,
wöi a Stier föllt da oina uwa da annara glei draaf!
U sua löiwa Leit,
habts a weng Aasdauer u a weng Gfüll;
Mittara Zeit vaheilan alla Wundan,
D´Leit wearn sich nimma fürchten vüll.