Feuilleton: Wenn ma(n aloi(n bleibt

Wenn ma(n aloi(n bleibt

Feuilleton

Måla Richard

Heint håut mi(ch ma Årwat nåuch Trencin in da Slowakei assi g´jågt. Ålls i(ch va Netschetin in da Fröi lous g´foarn bin, håut mi(ch meina Schwiegamutta aasg´låcht, dari za M(ü)litär fåhr(e. Trencin woar nämli(ch füa(r gunga böimischa Bou a gånz schäi(ns G´spenst, in da kommunistischan Zeit. Nåuch åcht Stundan Fåhrt bin i(ch endli(ch in meina Pension ua´n kumma. I(ch bin oft alloin(n, uwa heint tout´s mi(ch gånz schäi(n wei(h. Ma(n Wei(b is nåuch ihra(r Knöi Operation nu(ch im Krånkanhaus u i(ch mou mi(ch selwa darham mit da Unordning raff(e )n. I(ch ho(b mi(ch nu nöi sua vüll um Hadarn kümmert, uwa uamål håut dös kumma möin. Dös woar füar mi(ch å gånz neia Rolln. Drei Stundan ho(b i(ch braucht, bis unna Haus nu(ch a wenig aafgraamt woar. Öitza wöiß i(ch gånz genau, wöi´s schäi(n is, daß unna Herrgott d´Menschan ålls Ma(n u Wie(b g´schåffn håut! Füar dös Plåugn ho(b i(ch fei(n koina Nervn! Wenn ma(n dazou nu(ch ålta(r wiard, is dös v(ü)ll interessanta(r. Döi erstan Krånkheitan kumma u ma(n is an dian ånnar ua´gwiesn. Deratswegn is es gout, da´ma mitt seina Wei(b in oina christlichan Eha üwa Jåhrzahta lebt. Döi braucht zwår gouta Nervan, uwa füar´n Mua(n ist es imma(r bessa(r, wenn ear si(ch ua(n Wei(b festhåltn kua(n. Ma(n löiwas Wei(b: kumm fei(n bål wieda Hamm!