Schwåmma daham 2011 Feuilleton

Schwåmma daham 2011
Feuilleton 

 Heia(r is fai(n woos lous im Wåld: sua v(ü)l Schwåmma håut ma(n scho(n långa niat g´seah! I(ch w(ü)ll haint uwa üwa(r gånz woos ånnars dazühln: A böimisches Spricht wuart sågt: „Wenn v(ü)ll Schwåmma sa(n, wearn im Winta houcha Schnäinweh(e)n sa(n“. Miar Eghålanda san scho(n g´wiahnt, das ins Eghalånd „Da Winta bål(d kumma is, u z´spaat ganga is“. U wöi is den dös mit dian Schwåmman? „In d´Schwåmma gäihn“ g´höiart za dian Merkmålan, woos d´Böihm u aa döi Daitschn asm Sudetenlånd bezeichnat. Aa  i(ch, åls i(ch nu a kloins Böiwerl woar, bin gern in Wåld eini gånga u ho(b nåuch „Stuap(i)lzan“,  „Birkanp(i)lzan“, „Butta(r)p(i)lzan“ u „Braunp(i)lzan“ g´soucht. Dös souchan woar imma(r dös schäinsta an deara G´schicht. D´Schwåmmabröi(h ho(b i(ch nu aasg´håltn, wenn sie asn trockanan Schwåmman g´måcht wuarn ist, uwa sinnst ho(b i(ch niat v(ü)ll döi glitschigan Dinga gessn. Uwa dös souchan g´höiart aa heint za dian schäinstan Såchn im Leben. Wenn ma(n ålta(r  wiard, kumma nimma sua v(ü)l herumlaff(e )n u wenn man z´v(ü)ll z´toun hått, is es aa schwaa dafüar döi Zeit finna. Da Herrgott siaht unnara Plåucharei und håut füar mi(ch heiar a gånz b´s ondees G´schenk vüar´gricht: direkt af meinan Grundstück, wou i(ch mi(ch af oina(r Bank imma(r aasrouha tou, ho(b i(ch scho(n heiar zeah(n „Stuap(i)lza“ u siebn „Braunp(i)lza“ g´funna! Löiwa Herrgott: i(ch dånk Diar schäi(n füar Deina Gåbn, denn Du weißt, wöi miar uns tou af da Eardn plåugn möin!