Haimatspåzierngäih(n 2011: 2

 Haimatspåzierngäih(n 2011: 2
(Wunden in der Heimat)

Heit ho(b i(ch g´meint, dari dian Wegn gäi(h, dian i(ch niat bam letzan mål g´funna ho(´b. Ba da Måstung vabaa, bis affi afn Wegn van Dt. Neistadl af Långwiesn. Link å(b)böign u gånz schäi(n lång marschiern, bis i(ch aaf döi Stöll  kumma bin, wou i(ch bam letznmål döi gelwa Markierung g´folgt bin. I(ch bin uwa weita gånga u ho(b döi Kreizung g´soucht, wou´s direkt nåch Plachtin gäiht. Nouch zehn Minut(e)n  woar i(ch dou: I(ch ho(b in meinam „Kinnang´dächtniss“ drinn g´håtten, dari rechts gäin kua u kumm nåuch  Lipi ba Manetin, uwa es woar kua Wegh dåu. „No,“ ho(b i(ch sua füar mi(ch denkt: „du bist scho(n åchtunddreißich Gouha dåu niat g´ we(s)n, kua saan, dass da Weg nöi dåu woar“. I(ch bin a bisserl an deara Kreizung stäihn bliebn u ho(b in meinam G´hirn nåuch Darinnerungan g´soucht. Izwisch(e)n is es dunkla wuarn. Långsåm, imma no(ch nåuchdenkat, bin i(ch hålt links, Richtung Plachtin gånga. Aframål siah i(ch rechts groußa Löcha in da Erdn: Da „Harvestor“ håut bam Hulzmåchn groußa Spuarn hintarlåua. Sua ho(b i(ch füar mi(ch denkt: woos häit ma(n Ua(r)opa, da Måla Wenz dazou g´sågt? Unnara eghalånda Vorfahr(e)n ho(b)n schäi(n vorsichti(g dös Hulz as´m Wåld assig´numma u senn mit Pfaada(r)n herum g´foarn.  Döi ho(b)m g´wußt, dass da Wåld gånz wichtig füars Lebn is u dass ear  g´schütz werdn mou. I(ch bin weita gånga. Aframål siah i(ch links wieda d´Eardn aafg´w(ü)llt. I(ch ho(b gånz b´sorgt hi(n gschaut, owa dösmål håut ma Herzl g´låcht: es woar(r)n W(i)ldschweinla, döi woos zan Essen g´soucht hob(e)n. I(ch woar frouch, dari in unnam Wåld Leb(e)nszeichn van dian Tiern g´funna ho(b u bin gånz frouch wiada Hamm kumma.