Haimatspåzierngäih(n 2011: 1

Ma(n Dokta(r håut za miar gsågt, i(ch ho(b a weng z´v(ü)l Cholesterin (dös Woart kua(r i(ch niat eghalåndrisch schreibn, waal dös Woart unnara Åltn niat kannten). Ea(r håut za miar g´sågt: „du wohnst doch am Wåld und wenn´s vüll spåziern gäihst, vaschwindat dös Zeich gånz schnell“. Gestan woar a sua(r schäins Wetta, dari g´sågt ho(b: Öizta mou i(ch dian Råut vam Dokta(r  folg(e)n u bi(n lousmarschiert. Ich ho(b sua füar mi(ch denkt: „A weng mehr uastrenga  moust du di(ch fai(n scho(n“ u ho(b a gånz ånnarn Wegh g´numma: Zaerscht bi(n i(ch za da Hl. Theresia affi gånga. Dös Marterl ist bam Schwana Wåld, uabn üwa Plachtin, Richtung Ånnaschau. Va dort bi(n i oini za da Måstung und weita dian Wegh in Wåld eini gånga. I(ch denk, dari dian Wegh sua åchtunddreißich Gåuha niat gånga bin u woar selwa naigieri(ch, ob i(ch wieda Hamm finna tou(n. Dös Tempo, wos i(ch g´wählt ho(b, woar gånz schäi(n schnöll u wenn da ersta Hüwl kumma is, ho(b i(ch direkt g´s püart, das da Cholesterin imma(r wenicha wiard. Es woar etwa „bei da Pumpen“, åls i(ch an groußn Lastwågn g´sea(h ho(b: ear woar scho(n vull mit Hulz belådn u is aframål lous g´foarn. I(ch ho(b mäin bis in dian Stråußengråbn einispringa, ansünnst wear i(ch tout.  „Nå jå“, ho(b i(ch sua(r füar mi(ch denkt: „Döi Wåldplünderung mou(ß schnäll gäi(h, waal unnara Regierung mäiha(r aaf döi Wåldwirtschåft aafpåssn w(ü)ll“. Nåuch zwanzich Minuten woar i(ch imma(r noch an dian Wegn van da Måstung u ho(b ua(n)g´fånga zam Spekulie(r ) n: „Es mou doch da Wegh van Dt. Neistadl af Långwiesn kumma“. Endli(ch ho(b i(ch ihn g´seah. I(ch bin dånn links gånga u ho(b weng möiha(r Gas gebn, waal i(ch scho(n durschtig g´woarn bin. I(ch bin gånga u gånga…, uwa döi A(b)zweigung nåuch Plachtin ho(b i(ch niat gseah. „Dös is fei(n scho(n a weng komisch“, ho(b i(ch sua(r füa(r  mi(ch denkt u ho(b a woos gånz modernas as da Tåschn assig´holt: Handy mit GPS. I(ch ho(b´s aa´gschåltn u siahr: i(ch bin bei Manetin! Dös kua doch niat wåuha saa, sua schnell bi(ch i(ch doch niat g´låffn? I(ch ho(b dös moderna Zeich wieda aas´schaltn u ho(b d´Sunn g´soucht, damit i(ch döi richticha Richtung wieda ho(b. Nåuch ara Waal siah(r i(ch afm Baam a gelwas Wannå(r )zeichen: dös mou(ß doch nåuch Plachtin föihan? I(ch bin im „Zigeinawink(e)l“ assi kumma  u woar gånz frou(ch, dari niat in Manetin bin. I(ch denk, dari heit wirkli(ch vüll füa(r meina G´sundheit g´måcht ho(b.